مرة2 مساطيل مشيين فى الشارع واحد منهم لقى مرايا فبص فيها قال:
الشكل دة مش غريب عليا التانى بيقولة ورينى كدة راح قيلة دانا يا عبيط
....................
مره واحده حامل ابنها الصغير بيسألها:ايه اللي في بطنك ده يا ماما قالتله
:ده أخوك يا حبيبي...تاني يوم و هوه في المدرسه المدرس سأله:انت عندك
اخوات؟ قاله:كان عندي واحد بس ماما أكلته.
...................
سألو واحد بخيل طحن: تعمل ايه لو الدنيا برد؟ قال: أروح جنب الدفاية.
قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟
قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري
لله
...................
مره ثعبان قابل ثعبان لقاه بيعيط قالوا انت بتعيط ليه رد اصلي انا نظري
ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت
بتعيط ليه تاني، رد اصلي اكتشفت ان اللي بحبها من عشرين سنه طلعت خرطوم
..................
طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما
عدا كلب واحد بيخاف من صوت الرصاص فقالو لصاحبوه خده الافراح اللي بيحصل
فيها ضرب نار كتير عشان يتعود على الرصاص وبعد ما اخده لمدة 6 شهور رجع
يصطاد تاني أول ما ضرب نار الكلب اعد يزغرط
...................
مرة واحد ركب دش فوق السطح فعلشان ماحدش يقرب منه من السكان بنى حواليه
كوخ وقفله وقال للسكان انا حاطط أسد في الكوخ ده فمحدش يقرب منه أحسنله ،
السكان فضلوا خايفين يطلعوا السطح لحد مايوم الشجيع بتاعهم طلع وراح فاتح
الكوخ راح نازل جري ووشه أصفر السكان قالولوه ايه شوفته ، قالهم لأ أنا
شوفت الطبق اللي بياكل فيه بس
...............
مرة واحد غبى ماشى فى الشارع لقى قرد مشي بيه قابل عسكرى مرور سألوا اودى
القرد ده فين العسكرى قال له ودىه جنينة الحيوان تانى يوم معدى بالقرد
العسكرى قال له مش قلتلك وديه جنينة الحيوان قال له ما أنا وديته امبارح ،
النهاردة بقى هاوديه السينما
.................
